ચંદ્રયાન 3ની સફળતા બાદ સ્પેસ સેક્ટરના આ શેરમાં તેજીનો માહોલ, એક જ દિવસમાં 15 ટકા સુધીનો આવ્યો ઉછાળો...

ચંદ્રયાન-૩ના લેન્ડિંગ થતાની સાથે જ તેની સાથે સંકળાયેલા શેરની પ્રાઈઝમાં મોટો ઉછાળો આવ્યો છે.  ભારતના અવકાશી ક્ષેત્ર સાથે સંકળાયેલી ૧૩ જેટલી કંપનીઓના શેરભાવમાં આવેલા ઉછાળાને પરિણામે વર્તમાન સપ્તાહમાં ઈક્વિટીઝની માર્કેટ કેપમાં ૨.૫૦ અબજ ડોલરનો ઉમેરો થયો હતો. ચંદ્રયાન-૩ને લીધે ભારતના અવકાશી કાર્યક્રમોને વૈશ્વિક સ્તરે ઓળખ મળી છે એટલું જ નહીં દેશના સ્પેસ ક્ષેત્ર સાથે સંકળાયેલી ખાનગી કંપનીઓ માટે પણ વિકાસની તકો ઊભી થઈ છે. રોકેટ સંદેશવ્યવહાર તથા નેવિગેશનમાં વપરાતા ઈલેકટ્રોનિકસ સાધનો અને મેટલ ગીઅર્સનો પૂરવઠો કરતી ૧૩ જેટલી લિસ્ટેડ કંપનીઓના શેરભાવમાં નોંધપાત્ર વધારો થયો છે અને માર્કેટ કેપમાં ૨.૫૦ અબજ ડોલરનો ઉમેરો થયો છે.

શેરની સ્થિતિ: સેન્ટમ ઈલેક્ટ્રોનિક્સના શેરમાં 14.91 ટકા સુધીનો ઉછાળો નોંધાયો હતો જ્યારે પારસ ડિફેન્સ એન્ડ સ્પેસ ટેક્નોલોજીસ લિમિટેડ બીએસઈ પર 5.47 ટકા વધ્યો હતો. એ જ રીતે, MTAR ટેક્નોલોજીસ 4.84 ટકા અને હિન્દુસ્તાન એરોનોટિક્સ લિમિટેડનો શેર 3.57 ટકા વધ્યો હતો. સંરક્ષણ કંપની ભારત ફોર્જના શેરમાં 2.82 ટકા, એસ્ટ્રા માઇક્રોવેવ પ્રોડક્ટ્સ 1.72 ટકા અને લાર્સન એન્ડ ટુબ્રોના શેરમાં 1.42 ટકાનો વધારો થયો છે.

મજબૂત વલણ જોવા મળ્યું: ખાસ વાત એ છે કે ટ્રેડિંગ દરમિયાન આ રાઇટ્સ કંપનીઓના શેર છેલ્લા એક વર્ષના સર્વોચ્ચ સ્તરે પહોંચી ગયા છે. મોતીલાલ ઓસ્વાલ ફાઇનાન્શિયલ સર્વિસિસ લિ.ના વડા (રિટેલ રિસર્ચ) સિદ્ધાર્થ ખેમકાએ જણાવ્યું હતું કે ચંદ્રયાન-3 મિશનમાં ઉપયોગમાં લેવાતા ઘટકોની સપ્લાય કરતી અનેક સંરક્ષણ કંપનીઓના શેર સફળ ઉતરાણની સંભાવના પર વધ્યા હતા. સ્ટોક્સબૉક્સના ટેકનિકલ અને ડેરિવેટિવ્ઝ એનાલિસ્ટ રિચેસ વનારાએ જણાવ્યું હતું કે, ચંદ્રયાન 3ના સફળ ઉતરાણ પહેલા સ્ટોક ટ્રેડિંગ દરમિયાન બજારમાં L&T, MTAR અને HAL જેવી સંરક્ષણ કંપનીઓમાં મજબૂત વલણ જોવા મળ્યું હતું.

ચન્દ્રયાન-૩ બાદ ભારતના ઈન્ડિયન સ્પેસ રિસર્ચ ઓર્ગેનાઈઝેશન (ઈસરો) આગામી વર્ષમાં અનેક અવકાશી કાર્યક્રમો હાથ ધરવાની તૈયારીમાં છે. જેમાં વિશ્વના કેટલાક દેશો પણ જોડાવા માટે ઉત્સુક છે.  

(Home Page- gujju news channel) 

Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Bussiness News In Gujarati